تعلمي سيدتي الحادكة كيفية تحضير صابلي الشوكولا و الكراميل.
المكونات
- صفار بيضة
- كيس فلان بنكهة الكراميل =50غ
- ملح
- 4غ خميرة الحلوة (ملعقة ص)
- 125غ زبدة لابال (علبة صغيرة ناقص ملعقة ك منها)
- 3ملاعق كبار نشا=40غ
- فرينة حسب الخليط
للتزيين:
- كراميل
- شوكولا سوداء (فيجيكاو او منى )
طريقة التحضير
في
اناء نحط الزبدة و صفار البيضة و فلان نخلطهم بيدي حتى نتحصلو على خليط
كريمي بعدها نضيف النشا و خميرة الحلو و قرصة ملح بعدها الفرينة نغربل على
الخليط و نبقا نخلط بالشوي (الفرينة كمية غير محدودة) و نضيف حتى نتحصلو
على عجينة متكونش متلاصقة بعدها نضعها في كيس بلاستيكي نضعها في الثلاجة 2
سوايع او في المجمد ساعة واحدة نخرجها نبدا نبسطها على شكل مربع كبير
ميكونش سمكها بزاف خشين نبدا نشكل دوائر بقالب نزيد ندير داوائر أخرة
مفتوحة في الوسط في سينية نبعثهم للفرن ديجا كنت شعلتلو سخن من قبل نشوفهم
بداو يحمارو نخرجهم نجيب نتسلي كراميل واجدة نحط حبة صابلي و نزيد فوقها
الحبة المثقوبة في النصف و نعمرها بالنتسلي سخنته شوية فوق حمام مائي
نكملهم نحطهم في المجمد حوالي نصف ساعة نخرجهم نحطهم فوق شبكة نطليهم
(نغلفهم) بشوكولا كامل و ندير خطوط تزين بالشوكولا أيضا و بصحتكم تخرجلكم
حوالي 15 حبة ازعما راهم كبار و اذا صغرتو فيهم توصل حتى 20 حبة.