القائمة الرئيسية

الصفحات

حلوة ملكية اقتصادية لجميع المناسبات

في هذه المقالة غادي تعرفي تصايبي حلوة لاكريم راقية صالحة لجميع المناسبات والأفراح، غادي تحمر وجهك ومغتحشمكش، والأهم أنها رخيصة وغير مكلفة أبدا غادي تقام عليك رخيصة مقارنة بالثمن ديال المحلات.

المقادير

مقادير الجنواز:

  •  30 غ دقيق مايعادل  ربع كأس
  • 2 معالق سكر
  • 2 بيضات
  • 7 غ كاكاو مر مايعادل معلقة كبيرة
  • قبصة ملح و فاني
  • قطر المقلاة 22 سنتيم  

الطبقة المقرمشة :

  • 2 كؤوس  مملوءة  رقائق  الذرة(الكورن  فليكس) أو  الفويتيين  مايعادل  100غ 
  • 2 معالق  كبار فول سوداني  أو  كاوكاو  مهرمش(اختياري) وليس ضروري 
  • 120 غ براليني كاوكاو أو الفول السوداني  مايعادل  4 معالق  كبار  أو  5  
  •  ممكن استعمال  براليني  كاوكاو   
  • 40 غ شكلاط دائب

موس الشكلاطة :

  • 180 غ شكلاط  أسود  بنسبة عالية من الكاكاو 
  • 60 غ سكر مايعدل  ربع كأس  وافي  
  • 30 مل ماء ماكاملش ربع كأس  
  • 5 اصفر البيض
  • 400 مل كريمة سائلة  باردة مايعادل  4 كؤوس عنبة  
  • ممكن تعويض الكريمة  ببودرة الشانتيي  مخلط  مع ربع  كأس  حليب بارد  

كلاصاج لامع :

  • 4 أوراق  جيلاتين  من وزن 3 غ أو  5 أوراق  من وزن 2غ 
  • كأس  إلا  ربع  سكر مايعادل 100غ 
  • كأس  إلا ربع سكر  كريم فريش 100 غ 
  • كأس  غير مملوء ماء 150 مل
  • 60 غ كاكاو مر مايعادل  كأس

طريقة التحضير

  1. ناخذو مقلاة للي غادي نطيبو فيها الجنواز، ندهنوها بالزبدة ويفضل وضع ورق الطبخ باش نضمنو أنها متلصقش، في إناء نضع البيض والفاني والسكر والملح ونضربو بالخلاط الكهربائي حتى يصبح كريمي ، ثم نضيف الدقيق والكاكاو المنخول ونضربو فقط بالملعقة، من الأسفل للأعلى، حتى يمتزج مزيان، نصبها فالمقلة ونسرحوها ونوضعوها على نار هادئة وتكون مغطية بزيف باش كيمتص البخار، ثم نقلبوها من المقلاة ونتركوها جانبا.

  2. نوجدو الطبقة المقرمشة، ناخذو رقائق الذرة ونفرتتوهم باليد ونضيف عليهم الكاوكاو مهرمش وبخاليني الكاوكاو، ونضيف مربعات الشكلاط مذوب باش يحافظ على القرمشة ونوضعوه فقالب يكون بحجم الجنواز ثم نقلبو عليها الجنواز وندخلوها الثلاجة.

  3. نوجدو لاموس شكلاط ، ندوبو الشكلاط فحمام مريم، نوجدو السيرو فكسرونة نضع السكر والماء ونوضعوهم فوق نار تكون مجهدة، حتى يدير فقعات كبيرة ويتقال شوية، ثم فإناء نضع خمسة صفار البيض نضربوهوم قليلا من بعد نبداو نكبو عليه السيرو وحنا كنضربو شيئا فشيئا مع التضريب بسرعة حتى يبرد تماما ، ممكن نضيفو عليه جوج معالق بخاليني كيبقى اختياري، ثم نضيفو الشكلاط الذائب وحنا كنضربو.

  4. نضربو الكريم الشانتيي أو السائلو ونضربوها غير حتى تجمع شوية ، نضيف شوية من الكريمة فوق خليط الشكلاط والبيض حتى يتخفف الشكلاط ثم نضيفو باقي الكريمة ونضربو غير بشوية من فوق لتحت.

  5. ناخذو صحن وقالب الحلوة الدائري ونكبو الكريم الشكلاط ثم نوضعو عليها الجنواز مع الطبقة المقرمشة ونتركوها فالمجمد مدة أربعة ساعات أو فالثلاجة مدة ليلة كاملة.

  6. نوجدو الكلاصاج، نوضعو وراق الجيلاتين فماء بارد باش يدوبو، فكسرونة نوضعو كاس الماء كاس لارب من السكر كاس لارب كريم فغيش ونوضعوه على النار ونتركوه حتى يسخن مع التحريك ثم نضيفو كاس كاكاو المر حتى يندمج مع التحريك، حتى يغلي وبغي يطلع ، نعصرو الجيلاتين ونضيفوهوم فوق الخليط ونحركو ثم نصفيواه ، من الأحسن نطحنوه بطحانة اليد باش ميبقاش فيه الحبيبات.

  7. نوضعو الكلاصاج فوق الحلوة المجمدة بعدما يكون بارد ونغطيوها كلها مزيان، نقدوها بواحد سباتول، للتزيين كيبقى اختياري حسب الرغبة، وبالصحة والراحة.

لمشاهدة الوصفة باتفصيل من خلال الرابط