مرحبا بيكم البنات في موقع "الحادكات" ليوم غادي نقدمو ليكم واحد المقترح ديال واحد الوصفة تركية، للي غادي تهنيك من كثرة التفكير فشنو غتحضري، لأنه فبعض الأوقات كتحيري شنو ممكن توجدي للعشا أو كوجبة خفيفة للسناك، أو للخرجات العائلية للطبيعة مع الوليدات، ممكن تنفعك حتى نالكوتي وليدات للمدرسة، هادي فطيرة تركية بدون فرن بحشوة الخضار اللذيدة من أسهل وجبات للي ممكن تحضري، تابعي معنا المقادير وطريقة التحضيرفطيرة في المقلاة لذيذة سهلة التحضير، بحشوة الخضار مع السمك، يمكن استبدال السمك بالتونة أو اللحم المفروم أو الدجاج.
مكونات الحشوة
- 300 غرام من السمك الأبيض “يمكن ليك تعويضيه بالكفتةم او قطع الدجاج”
- جوج حبات من الفلفل الحلو الاخضر و الأحمر مقطعة مربعات صغيرة
- جوج حبات من القرع الأخضر محكوكة
- جوج بصلات مفرومين
- زيتون أخضردواور
- صلصة حارة أو الهريسة
- إبزار، تحميرة، ملح، كيمون، زيت.
- كزبرة مع الثوم مفرومين
مكونات العجين
- 250 غرام من الدقيق
- ملعقة صغيرة خميرة الخبز او الخميرة الفورية
- ملعقة صغيرة سكر خشن
- ملح ، 30 غرام من الزبدة
- حليب دافئ لجمع العجين
طريقة تحضير الحشوة
- ناخدو مقلاة نوضعو فيها شوية من الزيت ثم نزيدو البصل المفروم, نحركو قليلاً ثم نغطيو المقلاة حتى تشحر البصل , من بعد نزيدو عليها الفلافل والقرعة, نزيدو ليها التوابل القليل من الكمون والفلفل الأحمر والفلفل الأسود والملح على حسب الذوق ثم نضيف الصلصة الحارة, نخلط المكونات كلها جيداً, من بعد نغطيو المقلة ونخليو الخضار حتى تطيب مزيان مع التحريك كل شوية.
- فاش تطيب لينا الخضار نزيدو عليها السمك المقطع ثم نضيف القزبرة والثوم المفرومين معاً, نخلط المكونات ثم نترك المكونات حتى يطيب السمك وفي الأخير نضيف الزيتون الأخضر المقطع. نترك الحشوة تبرد جانباً حتى نحضرو العجين.
طريقة عمل العجين
- في إناء للعجن نوضعو الدقيق والملح والسكر, نخلطو المكونات جيداً ثم نزيدو الخميرة الفورية ونخلط مرة أخرى من بعد نزيدو عليها الزبدة ونخلطو الدقيق مع الزبدة جيداً حتى ترجع العجينة مرملة, من بعد نكبو الحليب بشوية حتى تجمع معنا العجين ندلكها جيداً حتى نحصل على عجين طرية للغاية وما تتلصقش.
- نخليو العجينة في الإناء ثم نغطيوها بورق بلاستيكي, نخليوها تختمر من نصف ساعة إلى ساعة حسب درجة الحرارة لديكم. بعد ما تخمر نقسم العجين إلى نصفين.
- نرش سطح العمل بالدقيق ثم نطلقو النصف الأول بسمك رقيق يكون كثر من حجم المقلاة المستخدمة, نحطوه على المقلاة, ثم نطلقو النصف الثاني بنفس الطريقة, نوضعو الحشوة في المقلاة فوق النصف الأول وقومي بتوزيعها بشكل متساوي, ثم حطي النصف الثاني من العجينة التي طلقناها. من بعد حايدي الجناب ديال العجين بالمدلك ثم نشدو على الحواشي ونلصقوه حتى لاتفتح معنا العجين الطياب.
- نضوعو المقلاة على نار متوسطة ونقلبوها كل شوية حتى تتحمر من الجهتين, ثم نقدمها بالصحة والعافية.