الدونات تعد من ألذ الوجبات الخفيفة التي يعشقها الكبار قبل الصغار، إذا اعرفتي الطريقة البسيطة للي غنقدموليك فهاد الوصفة ديال "الحادكات" راك مغاديش تعكزي عليهم وغادي توجديهم لوليداتك وللأسرة ديالك بكل سهولة، ممكن تقدميهم فالفطور أو الكوتي أو الوجبة الخفيفة للي كياخدو الأطفال معاهم للمدرسة، هذه طريقة عمل الدونات الاصلية اطيب دونات هشه وخفيفه حضروها بالبيت بأبسط المكونات متل دونات المحلات، لذيذة وبسيطة .
المقادير
- 1 كأس حليب سائل
- 1 بيضة
- نصف ملعقة صغيرة فانيليا
- ربع كأس سكر
- ربع كأس زبدة
- 1 ملعقة متوسطة خميرة الخبز
- 2 كيسان طحين
- لتحضير الحشوة:
- نصف كأس كريم باتيسري
- ربع كأس حليب
- ربع كأس كريمة سائلة
طريقة التحضير
- ناخذو إناء نوضعو فيه الحليب ونزيدو عليه البيضة والفانيليا ونخلطهم بالخلاط اليدوي حتى تمتزج المكونات مع بعضها جيدا .
- نزيدو عليه السكر ونضربوه مع الخليط حتى يولي كريمي .
- نزيدو عليه الزبدة ونستمرو بالتخليط حتى تمتزج العناصر مع بعضها جيداً .
- من بعد نزيدو الخميرة ونستمر بالخفق .
- نكبو الطحين بشوية بشوية مع التخليط للعناصر بشكل جيد حتى نحصلو على عجينة مجموعة والقوام ديلها تيكون رطب .
- نغطيو الإناء ونتركوه لتختمر فيه لمدة ساعة على الأقل .
- لتحضير الكريمة ناخدو إناء آخر نضوعو فيه الكريم باتيسري ونسكبو عليه الحليب ونخفقهم بالخلاط الكهربائي جيداً من بعد نزيدو الكريمة السائلة لنحصل على قوام كريمي عاقد وتصبح الحشوة جاهزة .
- نطلقو العجينة بالمطلق ونقطعها أقراص دائرية سميكة قليلاً ثم نقليها في زيت تكون عامرة المقلة، نقليوهوم على نار متوسطة حتى تنضج العجينة من الداخل قبل ما تاخذ اللون الذهبي المطلوب .
- نوضعو قطع الدونات بالسكر وهي ساخنة من بعد نفتحوها فتحة صغيرة ونحشيوها بالكريمة التي حضرناها عن طريق كيس الحلواني وبذلك تصبح الدونات جاهزة للتقديم.
- فرحي بها وليداتك وبالصحة والراحة