كيك يومي بسيط من ارقى واروع مايكون سهل التحضير

تيقي بيا بلي هذه هي الكيكة اللي مغتخطاكش ومغتبدليهاش، للي ذاقها غيشكرك عليها لذيذة فالمذاق وهشيشة وبمكونات بسيطة جدا.

المقادير

• 3 بيضات
• كاس سكرعنبة ما يعادل 150 غ
• كاس الا ربع زيت ما يعادل 150 ملل
• علبة ياغورت طبيعي 110غ
• 2 كيسان من خميره الحلويات ما يعادل 16 غ
• 2 كيسان من الفانيلا
• القليل من الملح
• تقريبا كاس ونصف من الدقيق ما يعادل 200 غ
• 150 غرام من اللوز او الكاوكاو ايفلي
• 3ملاعق كبيرة من السكر
• 3 ملاعق كبيرة من العسل
• 3 ملاعق كبيرة من الكريمة السائلة او الياغورت الطبيعي

طريقة التحضير

لتحضير هذا الكيك ناخذو إناء نضع البيض، ثم نضيف الفانيلا ثم الملح ثم السكر ونضربوه بالخلاط الكهربائي إلى أن يتضاعف حجمه، ثم نضيف الزيت ونحن مستمرين بالتخليط، ثم نضيف الياغورت، ونضرب قليلا بالخلاط الكهربائي، من بعد نستعملوا فقط الخلاط اليدوي، ونضيف الدقيق والخميرة نضربوا قليلا بالخلاط اليدوي.

في هذه الأثناء نكونوا شعلنا الفران يسخن، ناخذو المول ندهنوه بالزبدة والدقيق، أو نفرشوا فيه ورق الطبخ، نفرغوا الخليط فالمول، وندخاوها الفران على 180درجة ونخليوها تطيب غير من تحت.

التزيين

ناخذوا مقلاة نضع فيها اللوز أو الكاوكاو فيلي مع 3 معالق سكر و 3 معالق كبار من القشدة الطرية أو الياغورت طبيعي و3 معالق من العسل ونحمروها شوية فوق البوطة فوق نار مهيلة، من بعد ما يتحمر الكيك نجبدوه من الفرن ونضيفو على الوجه ديالو اللوز فيلي للي حمرنا ونردوه الفران يتحمر فوق وجه الكيك، هاد الطبقة كتجي حلوة ومقرمشة وكتلذذ الكيك، وبالصحة والراحة.

يمكنكم مشاهدة الطريقة بالتفصيل من خلال هذا الرابط